ناول "آرش" (مصنفہ: کومل ذیشان) ایک منفرد، تخیلاتی اور سائنسی فینٹسی کہانی ہے۔ اس کا مرکزی کردار "آرش" ڈھائی ہزار سال کی عمر کا ایک جن ہے جو شاہ بلوط کے درخت پر رہتا ہے۔ اس کی اکلوتی اور گہری دوست "سارا" اکیس سالہ بیمار لڑکی ہے، جو طلاق یافتہ اور کینسر جیسے موذی مرض کا شکار رہ چکی ہے۔ سارا کی آنکھیں عجیب ہیں اور وہ زندگی اور کائنات کا حقیقت پسندانہ نظارہ کرنا چاہتی ہے۔ آرش اپنے قدیمی نقشے اور وقت کے ابعاد (Dimensions) کی مدد سے سارا کو کائنات، خلا، ستاروں کی دنیا، سائنس اور انسانی تاریخ کی سیر کرواتا ہے۔ اس سفر کے دوران وہ سارا کو نظامِ شمسی، گلیلیو اور کوپرنیکس کی ایجادات، ڈائنوسار کے دور، جنگلات کی مخلوقات، کیمیا گری (Periodic Table)، فزکس اور برقی ایجادات اور مسلمان سائنسدانوں کے تاریخی کارناموں کا مشاہدہ کرواتا ہے----------------------------------
