روايت کے مطابق ۲۸ویں صدی قبل مسیح میں، بعلبک کے حکمران لوگل باندہ کے سابق وزیر اشلات، کیش کے جابر حکمران اتانا کے مظالم کی شکایت لے کر عراق کے شہر اریک میں بادشاہ گلگامش کے پاس پہنچتے ہیں۔ اتانا نے بعلبک پر حملہ کرکے لوگل باندہ کو قید کر دیا تھا اور اس کی حسین بیٹی اسلیم، بیٹے اریش اور اس کی منگیتر اراتا کو لبنانی ساحر انو کے حوالے کر دیا تھا، جس نے اپنے سحر سے ان کی زندگیوں کو انسانی اور حیوانی روپ (صبح و شام کی شفق سے منسلک) میں تقسیم کر دیا تھا۔ اریک کے سفر کے دوران اشلات کی ملاقات فرات کے کنارے ملاحوں کے سردار تموز سے ہوتی ہے جو اسے گلگامش کے ساتھ ساتھ اس کے طاقتور اور روحانی صفات کے حامل دوست سموقان سے مدد لینے کا مشورہ دیتا ہے۔
دوسری طرف، سردار تموز اور اس کے چرواہے جنگل کے ایک بے حد طاقتور اور وحشی انسان "ان کدو" کو اپنے ساتھ ملا کر گلگامش کو تخت سے ہٹانے کا منصوبہ بناتے ہیں۔ اس مقصد کے لیے ان لیل مندر کی خوبصورت دیوداسی "زوستا" کو بھیجا جاتا ہے جو اپنی محبت اور حسن کے جال میں ان کدو کو رام کرکے آبادی میں لے آتی ہے۔ اریک پہنچ کر ان کدو کا مقابلہ پہلے گلگامش سے اور پھر سموقان سے ہوتا ہے۔۔۔۔۔۔۔۔۔۔۔۔۔۔۔
